MitID-imut tunngatillugu Innuttaasunut Sullissivimmi ikiorneqassaguit imaaliussaatit:
- MitID-appimut ikiorneqarnissat pisariaqartikkukku mobilit nassaruk.
- Kinaassutsimut uppernarsaat atuuttoq nassaruk - ataani paasisaqarnerusinnaavutit (kinaassutsimut uppernarsaat tigussaasoq nassarneqassaaq - ingerlatitsisinnaanermut allagartaq aamma peqqinnissakkut sullinneqarsinnaanermut uppernarsaat digitaliusut atorneqarsinnaapput, Kørekort-appi aamma Sundhedskortet-appi aqqutigalugit).
- Apeqqutit ilinnut tunngasut arlallit akissavatit (CPR-registret-imi paasissutissat tunngavigalugit) - imaluunniit kinaanernik uppernarsaasinnaasumik ilisimannittumik nassassaatit.
Uppernarsaasutut atsiortoq kinaava?
Uppernarsaasutut atsiortoq tassaavoq inuk, illit peqatigalutit Innuttaasunut sullissivimut ornigulluni kinaanernik uppernarsaasinnaasoq. Uppernarsaassaguni 18-ileereersimassaaq, ullunilu 30-ni MitID-qareersimassalluni. Uppernarsaasup kinaassutsimut uppernarsaat assitalik atuuttoq nassassavaa (ataani atuuttut takukkit) aamma MitID-ni. Ullut 120-t iluanni amerlanerpaamik pingasoriarluni uppernarsaasinnaavoq.
Aamma suliffik aqqutigalugu uppernarsaasumit ikiorneqarsinnaavutit.
Nunani allaneersuuit imaluunniit Danmarkip avataani najugaqarpit?
Nunamit allaminngaanneeruit imaluunniit Danmarkip avataani najugaqaruit siunnersuutigaarput Innuttaasunut sullissivimmut saaffiginninninni uppernarsaasussamik ilagusaqartuaannarnissat, CPR-registerimi illit pillutit paasissutissat naammanngissinnaammata.
Passinnik skannerinissaq ajornartorsiutigigukku Innuttaasunullu Sullissivimmut ornigunniarlutit, Innuttaasunut Sullissivimmut uppernarsaatit pisariaqartinneqartut nassarnissaat eqqumaffigissavat. Ass. MitID-taarniaruit imminut sullissivinnut amerlanerpaanut isissutigisinnaasannik, imaluunniit Suliffeqarfinnut MitID-mut atugassannik, uppernarsaat CPR-normutalik nassassavat.
Suliffeqarfinnut MitID atorlugu Danmarkimi suliffeqarfik sinnerlugu digitalikkut iliuuseqarniarlutit, uani paasisaqarnerusinnaavutit: mitid-erhverv.dk.
Innuttaasunut Sullissivik qaninnerpaaq nassaariuk, piffissamillu inniminniillutit
Innuttaasunut Sullissivimmi piffissamik inniminniigit
MitID-mut aaqqiissummi kinaassutsimut uppernarsaat atuuttoq
- Kinaassutsimut uppernarsaat tigussaasoq nassarneqassaaq - taamaallaat ingerlatitsisinnaanermut allagartaq aamma peqqinnissakkut sullinneqarsinnaanermut uppernarsaat digitaliusut atorneqarsinnaapput, Kørekort-appi aamma Sundhedskortet-appi aqqutigalugit.
- Aternik aamma najukkamik illersuut atorukku, Sundhedskort-appi atorsinnaanngilat.
- Kinaassutsimik uppernarsaataagallartoq atorneqarsinnaanngilaq.
- Atit allanngortissimaviuk? Kinaassutsimut uppernarsaat taamaallaat atuutissaaq, kinaassutsimut uppernarsaammi atit allassimasoq, CPR-imi allassimasumut naapertuuppat. Katinnermut uppernarsaatit, atermut uppernarsaatit assigisaallu kinaassutsimut uppernarsaammi siornatigut atiusimasup sooq suli atorneqarneranut uppernarsaatitut atorneqarsinnaanngillat.
Uppernarsaatit ataani allassimasut ilaat ataaseq nassaruk:
- Ingerlatitsisinnaanermut allagartaq Danmarkimi tunniunneqartoq
- Ingerlatitsisinnaanermut allagartaq Kalaallit Nunaanni tunniunneqartoq
- Ingerlatitsisinnaanermut allagartaq Savalimmiuni tunniunneqartoq (Savalimmiuni Naalagaaffiup Sinniisoqarfiani taamaallaat akuerineqartarpoq)
- Ingerlatitsisinnaanermut allagartamut appi Danmarkimi tunniunneqartoq
- Ingerlatitsisinnaanermut allagartamut appi Kalaallit Nunaanni tunniunneqartoq
- Passi CPR-normulik Danmarkimi, Kalaallit Nunaanni imaluunniit Savalimmiuni tunniunneqartoq
- Najugaqarsinnaanermut akuersissut assitalik CPR-normulillu, Danmarkimi Udlændingestyrelsenimit imaluunniit Nunanut Allanut Ministereqarfimmit tunniunneqartoq
- Udenrigsministeriami ID-korti Danmarkimi tunniunneqartoq
Taarsiullugu allagartat ataani allassimasut atorneqarsinnaapput:
- Najugaqarsinnaanermut akuersissut assitalik Danmarkimi tunniunneqartoq
- Passi CPR-normoqanngitsoq Danmarkimi, Kalaallit Nunaanni imaluunniit Savalimmiuni tunniunneqartoq
- Passi Danmarkip, Kalaallit Nunaata imaluunniit Savalimmiut avataanni nunamit allamit tunniunneqarsimasoq
- Nuna tamakkerlugu kinaassutsimut korti, Danmarkip, Kalaallit Nunaata imaluunniit Savalimmiut avataanni nunamit allamit tunniunneqarsimasoq
- Kinaassutsimut uppernarsaat assitalik, Danmarkip, Kalaallit Nunaata imaluunniit Savalimmiut avataanni nunamit allamit tunniunneqarsimasoq
... uppernarsaatit uku ilaat ataaseq ilanngullugu:
(CPR-normu allagartami allassimassaaq)
- Peqqinnissakkut sullinneqarsinnaanermut uppernarsaat, peqqinnissakkut sullinneqarsinnaanermut uppernarsaat immikkut ittoq, peqqinnissakkut sullinneqarsinnaanermut uppernarsaammut appi, Danmarkimi tunniunneqartoq
- Najugaqarnermut uppernarsaat Danmarkimi imaluunniit Kalaallit Nunaanni tunniunneqartoq
- Inummut uppernarsaat Danmarkimi imaluunniit Kalaallit Nunaanni tunniunneqartoq
- Kuisinnermut uppernarsaat Danmarkimi imaluunniit Kalaallit Nunaanni tunniunneqartoq
- Inunngorsimanermut uppernarsaat Danmarkimi imaluunniit Kalaallit Nunaanni tunniunneqarsimasoq
- Savalimmiuni CPR-normumik tunniussinermut uppernarsaat (Savalimmiuni Rigsombudsmandimi taamaallaat atuuttoq)
- Akileraarfiusumi kingullermi naammassineqarsimasumi ukiumoortumik naatsorsuutit imaluunniit akileraarfiusumi ukioq manna siumoortumik naatsorsuutit (ukiumoortumik naatsorsuutit imaluunniit siumoortumik naatsorsuutit pisortanit ikiorsiissutinik tunniussinermut uppernarsaatit ataatsimoortinneqarsinnaanngillat)
- Pisortanit ikiorsiissutinik pisartagaqarnermut uppernarsaat (annerpaamik qaammatinik pingasunik pisoqaassusilik) (pisortanit ikiorsiissutinik pisartagaqarnermut uppernarsaat akileraarutit ukiumut naatsorsorneqarnerisa imaluunniit akileraarutissat siumoortumik naatsorsorneqarnerisa saniatigut atorneqarsinnaanngilaq)
Taamaanngippat uppernarsaatit ataani allassimaust marluk ataatsimoortinnissaat piumasaqaataavoq:
(CPR-normu uppernarsaatini minnerpaamik ataatsimi allassimassaaq)
- Inummut uppernarsaat Danmarkimi imaluunniit Kalaallit Nunaanni tunniunneqartoq
- Kuisinnermut inunngornermullu uppernarsaat, Danmarkimi Kalaallillunniit Nunaanni tunniunneqartoq
- Peqqinnissakkut sullinneqarsinnaanermut uppernarsaat, peqqinnissakkut sullinneqarsinnaanermut uppernarsaat immikkut ittoq, peqqinnissakkut sullinneqarsinnaanermut uppernarsaammut appi, Danmarkimi tunniunneqartoq
- Najugaqarnermut uppernarsaat Danmarkimi imaluunniit Kalaallit Nunaanni tunniunneqartoq
- Najugaqarsinnaanermut akuersissut assitalik Danmarkimi tunniunneqartoq
- Kinaassutsimut uppernarsaat assitalik, Danmarkip, Kalaallit Nunaata imaluunniit Savalimmiut avataanni nunamit allamit tunniunneqarsimasoq
- Najugaqarnermut uppernarsaat Savalimmiuni tunniunneqartoq
- Inunngornermut- aamma kuisinnermut allagartaq Savalimmiuni tunniunneqartoq
- Inunngornermut- aamma atimut allagartaq Savalimmiuni tunniunneqartoq
- Savalimmiuni CPR-normumik tunniussinermut uppernarsaat (Savalimmiuni Rigsombudsmandimi taamaallaat atuuttoq)
- Akileraarfiusumi kingullermi naammassineqarsimasumi ukiumoortumik naatsorsuutit imaluunniit akileraarfiusumi ukioq manna siumoortumik naatsorsuutit (ukiumoortumik naatsorsuutit imaluunniit siumoortumik naatsorsuutit pisortanit ikiorsiissutinik tunniussinermut uppernarsaatit ataatsimoortinneqarsinnaanngillat)
Pisortanit ikiorsiissutinik pisartagaqarnermut uppernarsaat (annerpaamik qaammatinik pingasunik pisoqaassusilik) (pisortanit ikiorsiissutinik pisartagaqarnermut uppernarsaat akileraarutit ukiumut naatsorsorneqarnerisa imaluunniit akileraarutissat siumoortumik naatsorsorneqarnerisa saniatigut atorneqarsinnaanngilaq)