Saqq. 1.8
MitID-mi paasissutissanik ilinnut tunngasunik suliaqarnerput pillugu paasissutissat
1. Digitaliseringsstyrelsen paasissutissanik ilinnut tunngasunik suliarinninnermi nalunaarsuutinik akisussaasuuvoq
Digitaliseringsstyrelsen MitID-mik atuinermut ingerlatsinermullu atatillugu paasissutissanik ilinnut tunngasunik suliaqarnermut akisussaasuuvoq.
Inuussutissarsiornermut atatillugu atuisuuguit inuussutissarsiornermilu atuinissaq pillugu MitID-mik atuillutit, taava mitid-erhverv.dk-mi MitID Erhvervimi inuttut inuuneqarneq pillugu politikkimut innersuunneqarputit.
Attaviginissatsinnut paasissutissat ataani nassaarisinnaavatit.
Digitaliseringsstyrelsen
Landgreven 4
1301 København K
CVR-nr.: 34 05 11 78
Oqarasuaat: +45 33 92 52 00
Mail: digst@digst.dk
2. Paasissutissanik illersuinermut siunnersortitsinnut attaveqarnissamut paasissutissat
Paasissutissanik ilinnut tunngasunik suliaqarnerput pillugu apeqqutissaqaruit paasissutissanik illersuinermut siunnersortitta attaviginissaanut tikilluaqqusaavutit.
Paasissutissanik illersuinermut siunnersorterput ukuuna attavigisinnaavat:
- Digital Postikkut: Sammisami “Att: Databeskyttelsesrådgiver” allallugu Digitaliseringsstyrelsemi Digital Postimut allassinnaavutit.
- Uunga e-mailimut: dpo@digst.dk. Paasissutissanik illersuinermut siunnersortitsinnut e-mailikkut attaveqarusukkuit inuup normut imaluunniit paasissutissanik /*-mianernartunik/allanut oqaatigeqqusaanngitsunik allanik ilisimatitsissanngitsutit qinnuigissavakkit.
- Allakkatigut: Digitaliseringsstyrelsen, att.: Databeskyttelsesrådgiveren Landgreven 4, 1301 København K
- Oqarasuaatikkut: 33 92 52 00
3. Paasissutissanik ilinnut tunngasunik Digitaliseringsstyrelseip suliaqarneranut inatsisitigut tunngavik
- Paasissutissanik illersuinermut peqqussummi art 6, imm. 1, litra e, om offentlig myndighedsudøvelse jf. Bekendtgørelse af lov om MitID og NemLog-in (Lovbekendtgørelse nr 333 af 19. marts 2025) tunngavigalugu paasissutissanik ilinnut tunngasunik suliaqartoqartarpoq.
- Paasissutissanik illersuinermut inatsimmi § 11, imm. 1 naapertorlugu erseqqissumik kinaassusersiinissaq anguniarlugu inuit normui pillugit suliaqartoqartarpoq.
- Statistikkimut ilisimatusarnermiluunniit misissuinermut tunngatillugu inuiaqatigiinnut annertuumik sunniuteqartussamik paasissutissanik suliaqarneq paasissutissanik0- illersuinermut inatsimmi § 10 tunngavigalugu suliaqartoqartarpoq.
4. Paasissutissanik ilinnut tunngasunik suliaqarnermi siunertaq
Paasissutissanik ilinnut tunngasunik Digitaliseringsstyrelisip suliaqarnermini MitID-imik eqqortumik tunniussinissamut aqutsinissamullu tunngatillugu isumannaallisaanissaq siunertaraa. Paasissutissanik ilinnut tunngasunik suliaqarnermi MitID-nnik atornerluisoqannginnissaa aamma siunertarineqarpoq.
Aamma paasissutissanik ilinnut tunngasunik suliaqarnermi, tassunga ilanngullugu inuiaqatigiinnut annertuumik sunniuteqartumik ilisimatusarnermi misissuisoqarnissaa anguniarlugu MitID-løsningimik ineriartortitsinissaq Digitaliseringsstyrelsip siunertaraa.
5. Inuit pillugit paasissutissat immikkoortiterneri
Digitaliseringsstyrelsen paasissutissat inunnut tunngasut ukununnga immikkoortiterlugit suliaqartarpoq:
- Paasissutissat inuup kinaassusaanut tunngasut
- Attaveqarnissamut paasissutissat
- Nalunaarsuinermut paasissutissat
- Kinaassutsimik uppernarsaaneq
- Isernermi paasissutissat il.il.
Kinaassutsimut uppernarsaanermi attaveqarnissamullu paasissutissani pineqarput illit atitit tamaasa, inuuiit, najukkat inuullu normut, tassami paasissutissat taakku pingaarnertut Inuit Normuinut Nalunaarsuiffimmit (CPR-registret) aaneqartarmata. Tamatuma saniatigut MitID-mi atuisutut-ID aamma oqarasuaativit normua e-mailillu ilisimatitsissutigisimasatit atorlugit paasissutissat suliarineqartarput.
MitID-mi kinaasustsimik pilersitsinermi aamma MitID-mi kinaassutsimik uppernarsaanissamut nalunaarsuinermi paasissutissat kinaassutsinnik uppernarsaaninneersut aallaavigalugit suliarineqassapput. Assersuutigalugu tassaasinnaapput pas malillugu inuiaassutsinnit biilersinnaanermulluunniit allagartannit paasissutissat. CPR-registerimit apeqqutit akinerisigut imaluunniit ilisimannittoq ikiortigalugu kinaanerit uppernarsarsimagukku tamanna pillugu paasissutissat suliarineqarumaarput.
Digitalikkut imminut kiffartuussissut aqqutigalugu MitID-løsningimi kinaassutsimik uppernarsaat atorsimasat aallaavigalugu assimik uppernarsaanissaq siunertaralugu kiinnat pillugu paasissutissat suliarineqarumaarput.
Tamatuma saniatigut MitID-vit atornera pillugu paasissutissat sukumiinerusut suliarineqassapput, tassunga ilanngullugit MitID qanga, qanoq sumullu atorsimanerit. Tassunga atatillugu Ip-adresse, tassunga ilanngullugit IP-adresse nalunaarsorneqarsimasoq tunngavigalugu nunami sumiinnerit pillugu paasissutissat ilaapput.
Kinaassutsimik uppernarsaatitut MitID appimik atuinermi suna atortorissaarut atorlugu MitID appimik atuinersutit aamma toqqorneqartarpoq. Assersuutigalugu tassaasinnaapput atortorissaarutip serienormuit, operativsystemip kiisalu version nr. aamma oqarasuaat jailbrokenernera pillugu paasissutissat.
6. Paasissutissanik inunnut tunngasunik tigusisut
Aqutsisoqarfik inatsit malillugu pisussaaffeqarpat Digitaliseringsstyrelsip paasissutissat ilinnut tunngasut taamaallaat ingerlateqqissavai.
Pisut ilaanni paasissutissat ilinnut tunngasut Digitaliseringsstyrelsip pisortani oqartussanut allanut ingerlateqqissinnaavai. Oqartussat pisariaqartitai tunngavigalugit paasissutissanik ingerlatitseqqittoqarumaarpoq.
MitID-løsningip ilaatut Digitaliseringsstyrelsen MitID brokerimut paasissutissanik inunnut tunngassuteqartunik ingerlatitseqqittarpoq, taannalu kiffartuussinissamut neqerooruteqartartumut digitalikkut kinaassutsimik kinaassusersiinissamut ingerlatitseqqittarpoq. Kiffartuussinissamut neqerooruteqartup aamma MitID-løsningip akornanni broker akunnermiliuttuuvoq. NemLog-in assersuutigalugu Danmarkimi pisortani oqartussanut tamanut akunnermiliuttuuvoq. Datat brokerip MitID-løsningimit tigusani nammineerluni akisussaaffigai.
Paasissutissanik inunnut tunngasunik ingerlatitseqqinnissaq pillugu kiffartuussinissamut neqerooruteqartartoq MitID brokerimik isumaqatigiissuteqarsimaguni, kiffartuussinissamut neqerooruteqartartoq paasissutissanik illit pillutit aamma pissarsisinnaavoq. Isumannaallisaaneq siunertaralugu akuersinissamut qulakkeerinninnissamullu tunngatillugu paasissutissat ingerlateqqinneqassapput.
Paasissutissat ilinnut tunngasut Digitaliseringsstyrelsip aqutsisoqarfiup paasissutissanik suliarinnittartuanut, IN Groupe Denmark A/S-imut ingerlateqqissavai, taanna MitID-løsningimut tunngatillugu IT-systeminik ingerlatsinermik aqutsinermillu suliaqartarpoq.
7. Nunani allani tigusisussat, tassunga ilanngullugit nunani tamalaani suliniaqatigiiffiit
Paasissutissat ilinnut tunngasut EU-p EØS-illu avataani tigusisussanut ingerlateqqinnavianngilavut. Taamaattorli Kalaallit Nunaanni imaluunniit Savalimmiuni MitID-mik pisaaruit paasissutissat ilinnut tunngasut aggerfinnut nuunneqassapput.
Paasissutissanik inunnut tunngassuteqartunik Kalaallit Nunaannut nuussinermi paasissutissat illersornissaat pillugu EU Kommissionip aalajangersagai nuussinermi tunngavigineqassapput, paasissutissanik illersuinissamut peqqussummi art takuuk. art 46, imm. 2, litra c takuuk.
Paasissutissanik inunnut tunngassuteqartunik Savalimmiunut nuussinermi artikeli 45 aamma art 46, imm. 2, litra c nuussinermi tunngavigineqassaaq.
8. Paasissutissanik ilinnut tunngasunik toqqorsimasuuteqarneq
Digitalikkut kiffartiississutinut isernissaq taassumalu atornerlunneqannginnissaa anguniarlugit tunniussinissamut, aqutsinissamut atuinissamullu siunertarineqartut malillugit 0 paasissutissanik ilinnut tunngassuteqartunik toqqorsimasuuteqartarpoq suliarinnittarlunilu.
9. Paasissutissat ilinnut tunngasut suminngaanneernerat
Innuttaasunik Sullissiviup aningaaseriviulluunniit MitID-mik pilersitsinissannut qinnuigisavit paasissutissanik ilinnut tunngasuteqartunik toqqaannartumik katersissaaq.
MitID-mik atuisunngunnginnninni imaluunniit MitID-mik atuisunngorninnut atatillugu onlinekkut inniminniillutit kinaassutsimik uppernarsaatissannik inniminniininni paasissutissanik ilinnut tunngassuteqartunik toqqaannartumik katersissaagut.
Kinaassutsit uppernarsarniarlugu MitID appimik atuisimaguit paasissutissat ilinnut tunngasut toqqaannartumik katersorneqassapput.
Inuttut normuit synkroniserernerisigut imaluunniit najukkat, oqarasuaativit normua aamma e-mailadresse pillugit paasissutissat nutarternerisigut MitID-mik atuininnik suliaqarnerup nalaani stamdatat ingerlaavartumik nutarterneqartassapput.
Paasissutissanik inunnut tunngasunik suliaqarnerup ilaatut paasissutissat pisortat qitiusumik nalunaarsuiffiannit pissarsiarineqartarput, soorlu assersuutigalugu pas/biilersinnaanermut allagartaq, CPR-registret aamma Danmarkimi najukkamut nalunaarsuiffik.
10. Automatiskimik aalajangiinerit, matumani paasissutissanik inummut tunngasunik nalilersuineq
Kinaassutsimut uppernarsaatinik atorunnaarsitsineq pillugu automatiskimik aalajangiinerit
MitID-mik atorunnaarsitsisoqartillugu Digitaliseringsstyrelsen automatiskimik aalajangiisarpoq.
Assersuutigalugu MitID kode kukkullugu toortaqattaarsimagaanni atorunnaarsitsisoqarsinnaavoq. Piffissami killilimmi MitID-løsningip elektronik atorlugu kinaassutsimik uppernarsaanissaq atorunnaarsissinnaavaa Kukkulluni toortaanerit amerlassusaat apeqqutaatillugit atorunnaarsitsigallarneq sivisussusilerneqartarpoq.
Aamma MitID identitetimik pilersitsinissannut imminut kiffartuussissummik atuigaangavit Digitaliseringsstyrelsen automatiskimik aalajangiisarpoq.
11. Takunninnissamut, naqqiuteqarnissamut, peersinissamut, killiliinissamut, akerliliissuteqarnissamut dataportabilitetimullu pisinnaatitaaffiit
Takunninnissamut, naqqiuteqarnissamut, peersinissamut, killiliinissamut, akerliliissuteqarnissamut dataportabilitetimullu pisinnaatitaaffiit pillugit ataani paasisaqarnerusinnaavutit.
datatilsynet.dk-mi “Vejledning om de registreredes rettigheder’’-imi pisinnaatitaaffitit pillugit paasisaqarnerusinnaavutit.
Pisinnaatitaaffinnik atuerusukkuit Digitaliseringsstyrelsemut attaveqaqquneqarputit.
Paasissutissanik takunnissinnaatitaaneq (takunnissinnaatitaaneq)
Paasissutissanik ilinnut tunngasunik paasissutissanillu allanik suliatsinnik takunnissinnaatitaavutit.
MitID-mut atuuttumut tunngatillugu paasissutissat ilinnut tunngasut Digitaliseringsstyrelsep nalunaarsorsimasai qaqugukkulluunniit takusinnaavatit. MitID.dk-mi imminut kiffartuunnikkut taakku takusinnaavatit, tassani MitID-mi illit pillutit paasissutissat nalunaarsorneqarsimasut takusinnaavatit.
Naqqiinissamut pisinnaatitaaffik (aaqqiineq)
Illit pillutit paasissutissat eqqunngitsut iluarsitinnissaannut pisinnaatitaaffeqarputit. Aamma paasissutissat ilinnut tunngasut tamakkiinerulertikkusukkukkit aamma/imaluunniit nutarterusukkukkit paasissutissat ilinnut tunngasut ilanissaannut pisinnaatitaaffeqarputit.
Peersinissamut pisinnaatitaaffik
Digitaliseringsstyrelsep nalinginnaasumik peersinnginnerani paasissutissanik illit pillutit peersinissamut pisinnaatitaaffeqarputit.
Suliaqarnerup killilernissaanut pisinnaatitaaffik
Paasissutissanik ilinnut tunngassuteqartunik suliaqarnerup killilernissaanut pisinnaatitaaffeqarputit.
Suliaqarnerup killilernissaanut pisinnaatitaaffeqaruit - toqqorsinissaq eqqaassanngikkaanni - Digitaliseringsstyrelsen siunissami taamaallaat paasissutissanik suliaqarsinnaassaaq, imaluunniit atuuttunngortitsinissaq illersuinissarluunniit siunertaralugit imaluunniit inuk illersorniarlugu inuiaqatigiilluunniit soqutigisaat pingaarutillit illersorniarlugit inatsisit tunngavigalugit piumasaqaateqartoqarsinnaavoq.
Taamaattorli paasissutissanik ilinnut tunngassuteqartunik suliaqarnermik killiliinermi MitID-mik atuisinnaajunnaarsinnaavutit.
Akerliniinissamut pisinnaatitaaffik
Digitaliseringsstyrelsip paasissutissanik ilinnut tunngassuteqartunik inatsisitigut unioqqutitsinngitsumik suliaqarneranut akerliliissuteqarsinnaavutit.
Paasissutissanik nassiussinissamut pisinnaatitaaffik (dataportabilitet)
Oqartussat inatsit malillugu sulinerminnut atatillugu paasissutissanik suliaqartussaammata pisinnaatitaaffik tamanna MitID-mut tunngatillugu atuutinngilaq.
12. Datatilsynetimut naammagittaalliorneq
Digitaliseringsstyrelsip paasissutissanik ilinnut tunngasunik suliaqarnera naammagittaalliuutigerusukkukku, Datatilsynetimut naammagittaalliuuteqassaatit.
Datatilsynetimut attaveqarnissamut paasissutissaatai datatilsynet.dk-mi nassaarisinnaavatit.