Aaqqiissummi sumiluunniit Ppnerluttut pinerlunniarnerannut tamakkiisumik illersuisoqarsinnaannginnera eqqaamassallugu pingaaruteqarpoq. Suut eqqumaffigissanerlugit uani uku paasisaqarfiginerusinnaavatit:
- MitID-qarneq
- MitID-mik atuineq
MitID-taassaguit
Atuisutut ID allanut eqqoriaruminaatsoq eqqaamajuminartorli toqqassavat, assersuutigalugu kisitsisit, naqinnerit killiffilersuutillu atornerisigut. MitID.dk aqqutigalugu atuisutut-ID allanngortittuaannarsinnaavat. Atuisutut ID allanut tusartinngisaannaruk - nammineq ikiorsiivik attavigigukku taanna minillugu. Atuilersinnaalerumallutit MitID app aamma assersuutigalugu MitID kodenik nuisitsivik atuutilerseqqaassavatit. Tamatumani pinerluttut assersuutigalugu MitID kodenik nuisitsivikmmik pissarsisinnaannginnissaat anguniarneqarpoq.
MitID ima paarissavat
- MitID-mi kodet allanut takutinngisaannarlugillu tunniutinngisaannassavatit.
- MitID appi, kodenik nuisitsivik, kodenik atuaasartoq chipiluunniit allamut tunniutinngisaannaruk. Taamaattorli appi inoqutigiinni allanik avitseqatigiissutigineqarsinnaavoq, atuisutut-ID aamma PiN-kode nammineq pigigaanni.
- MitID Supportip nammineq attaviginera eqqaassanngikkaanni atuisutut-ID allanut avitseqatigiissutiginngisaannassavat.
- MitID QR-kodet allanut avitseqatigiissutiginngisaannakkit. Skærmimi assilisaq nassiutinngisaannarluguluunniit skærmimi avitseqateqanngisaannarit.
- MitID-mik suna akuerilernerlugu atuartuaannaruk. Allassimasut kiliuuseriniarlugu issaatigisattut inngippata imaluunniit iliuuserineqalersoq ilinnit aallartinneqarsimanngippat akuersissanngilatit.