MitID-mi atuisunngoruit MitID-mi inuttut inuuneqarneq pillugu politikki ilinnut saqqummiunneqarumaarpoq. Assersuutigalugu paasissutissat ilinnut tunngasut qanoq suliarineqarnersut, paasissutissat suut pineqarnersut, suminngaanneernersut, qanoq toqqorsimasuutigineqarnersut kikkullu takunnissinnaanersut pillugit atuarsinnaavutit.
MitID-mi inuttut inuuneqarneq pillugu politikkip sannaa Version 1.8, 1.7-mut sanilliullugu allannguuteqarpoq. Inuttut inuuneqarneq pillugu politikkimi immikkoortut assigiinngitsut paasinarnerunissaat atoruminarnerunissaallu allannguinermi siunertarineqarput.
MitID-mi inuttut inuuneqarneq pillugu politikkip aqutsisoqarfiup akisussaaffigisaani Digitaliseringsstyrelsemi inuttut inuuneqarneq pillugu politikkini allassimasut assigiinniassammata allannguisoqarpoq.
MitID supportimi inuuneqarneq pillugu politikkliornissaq anguniarlugu MitID supportimi paasissutissanik inunnut tunngassuteqartunik suliarinninneq pillugu version 1.8-mi immikkoortut peerneqarput.
Arlalinnik erseqqissaaniarluni allannguisoqarpoq, taakkulu ataani takusinnaavatit.
Allannguutit erseqqissarnerisa nassuiarnerat
Version 1.7-imut sanilliullugu version 1.8-mi inuttut inuuneqarneq pillugu politikkimi allannguutit:
- Aallaqqaasiut: MitID Erhvervip imarisai immikkoortumut 1-imut nuunneqarmata immikkoortoq peerneqarpoq.
- Immikkoortoq 1: Paasissutissanut akisussaasoq pillugu immikkoortumi version 1.7-ip aallaqqaasiutaani siornatigut allassimasoq “Inuussutissarsiornermut atatillugu atuisuuguit inuussutissarsiornermilu atuinissaq pillugu MitID-mik atuillutit, taava mitid-erhverv.dk-mi MitID Erhvervimi inuttut inuuneqarneq pillugu politikkimut innersuunneqarputit” erseqqissarneqarpoq.
- Immikkoortoq 3: Paasissutissanik inunnut tunngassuteqartunik suliarinninnermut inatsisitigut tunngavigineqartoq pillugu immikkoortoq nutaaq. “Paasissutissanik ilinnut tunngassuteqartunik suliaqarnermut siunertarineqartoq aamma inatsisitigut tunngavigineqartoq” uunga allanngortinneqarpoq “Paasissutissanik ilinnut tunngasunik Digitaliseringsstyrelseip suliaqarneranut inatsisitigut tunngavik”. Inatsisitigut tunngaviit assigiinngitsut immikkoortumi taakkartorneqarput.
- Immikkoortoq 3: Statistikkimut ilisimatusarlunilu misissuinermi atorneqartussanik paasissutissanik suliarinninnermi inatsisitigut tunngavimmik ilanngussineq.
- Immikkoortoq 4: Paasissutissanik inunnut tunngassuteqartunik suliaqarnermi siunertat pillugit immikkoortoq nutaaq Siunertarineqartut annertusineqarnerat erseqqissarnerilu nassuiarneqarput.
- Immikkoortoq 4: MitID-p atornerlunneqannginnissaa anguniarlugu paasissutissanik inunnut tunngassuteqartunik suliaqarneq pillugu siunertamik ilanngussineq.
- Immikkoortoq 4: MitID-løsningimik ineriartortitsinermi paasissutissanik ilinnut tunngasunik suliaqarnermi siunertarineqartumik ilanngussineq, tassunga ilanngullugu inuiaqatigiinnut annertuumik sunniuteqartumik ilisimatusarnermi misissuisoqarnissaa anguniarlugu.
- Immikkoortoq 5: Siornatigut immikkoortoq 4-jusoq. Paasissutissanik inunnut tunngassuteqartunik taakkartuineq erseqqissarneqarpoq, sukumiinerusumillu nassuiarneqarluni. Paasissutissanut inunnut tunngassuteqartunut ataasiakkaanut nassuiaatit ilanngunneqarput.
- Version 1.7-imi immikkoortoq 4: Version 1.8-mi immikkoortoq peerneqarpoq, tassami paasissutissat immikkoortumi 5-imi allassimammata.
- Immikkoortoq 6: Siornatigut immikkoortoq 5-jusoq. Oqaasertaliunneqartoq “Paasissutissat ilinnut tunngassuteqartut tigusisussanut ukununnga ingerlateqqippavut imaluunniit tunniuppavut” peerneqarpoq. Tigusisussanut ataasiakkaanut aamma paasissutissanik inunnut tunngassuteqartunik tigusisussanut nassuiaatit ilanngunneqarput.
- Immikkoortoq 7: Siornatigut immikkoortoq 6-jusoq. Oqaasertaliunneqartoq “Paasissutissat ilinnut tunngasut aallaaviatigut EU-p EØS-illu avataani tigusisussanut nassiunneq ajorpavut” uunga erseqqissarneqarpoq “Paasissutissat ilinnut tunngassuteqartut EU EØS-illu avataanni, tassa Kalaallit Nunaanni aamma Savalimmiuni tigusisussanut nuunneqarsinnaapput”.
- Immikkoortoq 7: Paasissutissanik inummut tunngassuteqartunik Kalaallit Nunaannut aamma Savalimmiunut nuussinermi nuussinissamut tunngavigineqartoq pillugu immikkoortoq ilanngunneqarpoq.
- Immikkoortoq 8: MitID app aqqutigalugu kinaassutsimik uppernarsaanermi paasissutissanik inummut tunngassuteqartunik suliarinninneq pillugu immikkoortoq peerneqarpoq. Paasissutissat taakku immikkoortoq 5-imi nassuiarneqarput.
- Version 1.7-imi immikkoortoq 9: MitID-mik ikiorneqarnermut atatillugu paasissutissat inummut tunngassuteqartut pillugit immikkoortoq peerneqarpoq. Tamatumunnga taarsiullugu MitID-mik ikiorneqarnermut inuttut inuuneqarneq pillugu politikki suliarineqarpoq.
- Immikkoortoq 10: Automatiskimik aalajangiinerit, matumani paasissutissanik inummut tunngasunik nalilersuineq.
- Immikkoortoq 11: Siornatigut immikkoortoq 10-jusoq. Oqaasertaliunneqartoq “Pisinnaatitaaffitit” uunga allanngortinneqarpoq “Naqqiinissamut, peersinissamut, killiliinissamut, akerliliissuteqarnissamut dataportabilitetimullu pisinnaatitaaffiit”.
- Immikkoortoq 11: E-mailadresse, adresse aamma/imaluunniit oqarasuaatip normui pillugit paasissutissanik peersineq pillugu immikkoortoq peerneqarpoq.