QR-kode kodeluunniit ataasiartagaq atorlugu akuersigit

QR-kodet maskiinamit aqunneqarput, taakku paasissutissanik oqarasuaativit atuarsinnaasaanik peqarput. Akuersinerup nalaani QR-kodemik scannerinikkut illit skærmimi akuersiffissamiinnerit qulakkeerneqassaaq. Taamaalilluni MitID ilinnut isumannaannerulerpoq.

Ima QR-kodet atorlugit akuersissaatit

QR-kode scannissagukku MitID atussavat.

Qarasaasiaq atorukku MitID appilu atorlugu akuersissaguit qarasaasiami quppernermut iseqqaassaatit - ass. borger.dk aningaaserivilluunniit.

• MitID-imi atuisutut-ID toortaruk. Fortsæt tooruk.
• Oqarasuaatinni MitID app ammariarlugu PiN-kode toortassavat (imaluunniit inussavit ipai/Touch ID/Face ID atortarukkit atorsinnaavatit).
• Maanna QR-kode qarasaasianni skærmimi takutinneqarpoq.
• QR-kode MitID app-it qarasaasiavit saanut pitillugu scannissavat, oqarasuaativilli skærmia ilinnut sammitissavat, taamaalilluni MitID appip oqarasuaativit assiliiviata QR-kode scannissavaa.
• Kode scannereerpat akuerineqareerpallu akuersiniarlutit talerpimmut swipessaatit. Taamaattorli akueriniakkat atuareerukku aatsaat swipessaatit. Aamma iliuusererusutattut ersersitsippat namminerlu iliuuseqaruit aatsaat akuersissaatit. 

Tablet atorukku oqarasuaatinnilu MitID appilu atorlugu akuersissaguit tabletimi quppernermut iseqqaassaatit - ass. borger.dk aningaaserivilluunniit.

• MitID-imi atuisutut-ID toortaruk. Fortsæt tooruk.
• Skærmimi Åbn app på anden enhed-imi ‘Åbn MitID app og godkend’ tuussavat.
• Oqarasuaatinni MitID app ammariarlugu PiN-kode toortassavat.
• Maanna QR-kode qarasaasianni skærmimi takutinneqarpoq.
• QR-kode MitID app-it tabletip saanut pitillugu scannissavat, oqarasuaativit assiliivia ilinnut saatissavat, taamaalilluni MitID appip oqarasuaativit assiliivia QR-kodemik scannerinermini atussavaa.

QR-kodemik scannerinissaq ajornarpa?

QR-kode takusinnaagukku MitID appili atorlugu scannerisinnaanngikkuit ima misiliisinnaavutit:

• Oqarasuaatip skærmiani assiliivimmik atuinissamik aperisoqarluni nuisoqarpat ‘OK’ tuussavat.
• MitID-ip oqarasuaatip assiliivianik atuinissaanut akuersisimanngikkuit appi QR-kodemik scannerisinnaanngilaq. Oqarasuaammi inissiissutinut isissaatit, MitID app nassaareriarlugu assiliivimmik atuinissaa akuerissavat.
• Skærmi QR-kdoemik takutitsisoq qaamanerulersissavat.
• Oqarasuaat uninngateqqissaaruk, assersuutigalugu scannerininni uninngateqqissaaruk.
• Oqarasuaatip assiliiviata ajunnginnera, eqqiluinnera kigarneqannginneralu isumannaakkit.
• Qarasaasiaq atorukku teriaasaq atorlugu tikkuaqqaneqartup QR-kode asseqqassanngilaa.

QR-kode takusinnaanngikkukku quppernerup iserfiginiarsarisavit atuarneqaqqinnera pissutaasinnaavoq. Taamaattoqarpat appinni akuersiniarnerit unitseriarlugu misileeqqissaatit.

Kodet ataasiartakkat QR-kodenut taarsiullugit atorneqarsinnaapput, tassani illit skærmimi akuersiffissamiinnerit qulakkeerniarneqarpoq. Taamaattorli ajornanngippat MitID atorlugu akuersiniaruit QR-kode atussagit innersuussutigerusupparput.

Assersuutigalugu isiginiarnikkut aalaniarnikkulluunniit innarluuteqaruit imaluunniit oqarasuaativit assiliivia aserorsimappat kode ataasiartagaq atorlugu isertarsinnaavutit. Qaffasinnerusumik isumannaatsuutitsiniarluni kodemik ataasiartakkamik atuisoqartarpoq, tassami illit MitID atorlugu akuersiumallutit skærmimi isersimaffigisanni taamaallaat kodemik ataasiartakkamik atuisinnaavutit. Kode ataasiartagaq sisamanik kisitsiseqarpoq, taakkulu skærmimi iserfiginialikkanni takutinneqassapput. 

Ima kodenut ataasiartakkanut nuussaatit

MitID atorlugu kodet ataasiartakkat atorlugit akuersinissannut marlutsigut iliuuseqarsinnaavutit:

• Appimi menumut iserlutit imaluunniit
• Appip atornerata nalaani allanngortitsillutit

Taamaattorli allanngortitsinerup naammassinissaanut akunnerit 24-t ingerlaqqaartussaanerat eqqumaffigissavat. Inuttut inissiissutinik allannguiniartilluni isumannaallisaaneq eqqarsaatigalugu atulernissaanut akunnerit 24-t ingerlaqqaarnissaat pissutaavoq.

Appimi menu aqqutigalugu allannguigit

1. Skærmimi qullermi MitID appimi menumut iserit.
2. Appimi inissiivik tooruk
3. QR-kode imaluunniit kode ataasiartagaq tooruk
4. Paasissutissat atuakkit toorlugulu Tullia
5. PiN-kode toortassavat (imaluunniit inussavit ipai/Touch ID/Face ID atortarukkit atorsinnaavatit).
6. Skærmimi Kodet ataasiartakkat-mi ‘Qanoq akuersisarusuppit?’ tuussavat. Tullia tooruk.
7. Skærmimi Kodet ataasiartakkat akuersissutigisalerusuppakke-mi ‘MitID atorlugu akuerseriaatsit allanngortilerpat’ fluebenilissavat. Allannguineq aallartiguk tuussavat.
8. Allannguinerup uppernarsarnissaanut akunnerni 24-ni utaqqissaatit. Akunnerit 24-t ingerlareerpata assersuutigalugu appimi nalunaarutisiumaarputit. Matuguk utaqqillutillu tuussavat.
9. Akunnerit 24-t qaangiuppata MitID appi ammassavat. Skærmimi Bekræft, at du fremover vil godkende med engangskode-mi ‘Bekræft skifte’ tuussavat.
10. Maanna kodet ataasiartakkat atorlugit allannguivutit. OK tooruk.

Appip atornerata nalaani allanngortitsigit

MitID appi atulerukku kodemut ataasiartakkamut aamma allanngortitsisinnaavutit skærmimilu takutinneqarumaarpoq: 'Ny måde at godkende i MitID appen': 

1. Skærmip qeqqani ‘Tilgængelighed’-mi ‘Ny måde at godkende i MitID appen’ tuussavat.

2. Skærmimi ‘Tilgængelighed’-mi ‘Næste’ tuussavat.
   
   Matuma kingorna ilitsersuutit qulaani allassimasut imm. 5-imiit 8-mut malissavatit.

Tamatuma assinganik MitID appimi menumut iserlutit QR-kodenik akuersisarninnut uteqqinniarlutit allanngortitsisinnaavutit. Taamatut allannguinerup naammassinissaanut akunnerit 24-t utaqqissanngilatit.

Ima kodet ataasiartakkat atorlugit akuersissaatit

Kodet ataasiartakkat atorlugit akuersisarnissannut allanngortitsisimaguit (qulaaniittoq takuuk), kodet ataasiartakkat toortarniarlugit MitID appit atussavat.

Qarasaasiaq atorukku MitID appilu atorlugu akuersissaguit qarasaasiami quppernermut iseqqaassaatit - ass. borger.dk aningaaserivilluunniit.

• MitID-imi atuisutut-ID toortaruk. Fortsæt tooruk.
• MitID app ammariarlugu PiN-kode toortassavat (imaluunniit inussavit ipai/Touch ID/Face ID atortarukkit atorsinnaavatit).
• Skærmimi iserfigilikkanni kode ataasiartagaq sisamanik kisitsisitalik takuuk.
• Skærmimi ‘Indtast engangskode’-mi MitID appimi kode ataasiartagaq toortassavat. Tullia tooruk.
• Kode ataasiartagaq toortareerukku akuerineqareerpallu akuersiniarlutit talerpimmut swipessaatit. Taamaattorli akueriniakkat atuareerukku aatsaat swipessaatit. Aamma iliuusererusutattut ersersitsippat namminerlu iliuuseqaruit aatsaat akuersissaatit.  

Qarasaasiaq atorukku MitID appilu atorlugu akuersissaguit qarasaasiami quppernermut iseqqaassaatit - ass. borger.dk aningaaserivilluunniit.

• MitID-imi atuisutut-ID toortaruk. Fortsæt tooruk.
• Skærmimi ‘Åbn app på anden enhed’-imi ‘Åbn MitID app og godkend’ tuussavat.
• MitID app ammariarlugu PiN-kode toortassavat (imaluunniit inussavit ipai/Touch ID/Face ID atortarukkit atorsinnaavatit).
• Skærmimi iserfigilikkanni kode ataasiartagaq sisamanik kisitsisitalik takuuk.
• Skærmimi ‘Indtast engangskode’-mi MitID appimi kode ataasiartagaq toortassavat. Tullia tooruk.
• Kode ataasiartagaq toortareerukku akuerineqareerpallu akuersiniarlutit talerpimmut swipessaatit. Taamaattorli akueriniakkat atuareerukku aatsaat swipessaatit. Aamma iliuusererusutattut ersersitsippat namminerlu iliuuseqaruit aatsaat akuersissaatit.  

Kode ataasiartagaq takusinnaanngiliuk?

QR-kode takusinnaanngikkukku quppernerup iserfiginiarsarisavit atuarneqaqqinnera pissutaasinnaavoq. Taamaattoqarpat appinni akuersiniarnerit unitseriarlugu misileeqqissaatit.