MitID chip

Imatut MitID chip inniminnersinnaavat

MitID chip MitID.dk aqqutigalugu inniminniisinnaavutit. 

Malugiuk, MitID 143,60 kr.-inik akeqarpoq. Ataasiakkaartumik taamaallaat ingerlanneqarsinnaavoq.

MitID chip MitID.dk aqqutigalugu inniminnersinnaavat

1. MitID chip atuaasartumik inniminniinerit una toorlugu aallartiguk.
2. Kinaassutsivit uppernarsarnera aallarniutigiuk - MitID-t atorneratigut iserlutit, imaluunniit Inuup normut aamma kalaallisut qallunaatulluunniit passivit normua allanneratigut. MitID chip kinaassutsimut uppernarsaasernani inniminnersinnaavattaaq.
3. MitID chip atuaasartoq qanoq tigorusunnerlugu toqqaruk:
   
   • Allakkatigut najukkannut. Ullut suliffiit pingasut arfineq-marlulluunniit ingerlaneranni allakkatigut tigussavat. Danmarkip avataani najugalinnut tikinniarnera sivisunerusinnaanera maluginiaruk.
   • Innuttaasunut sullissivimmut aallerneq. Eqqaamallugu kinaassutsimik uppernarsaammik atuuttumik nassarnissat, assersuutigalugu passi biilersinnaanermulluunniit uppernarsaat.Kinaassutsimut uppernarsaat suna nassassanerlugu uani atuaruk. MitID chip atuaasartoq Innuttaasunut sullissivimmi aamma atuutilersissinnaanera eqqumaffigiuk.
4. MitID chip’it akileruk 143,60 kr.-inik akeqarpoq. Akiliinermut korti imal. MobilPay aqqutigalugu akiliisinnaavutit.
5. MitID chip’ivit pissarsiarineraniit aallartisarnissaa eqqaamallugu. Atuutilersereerukku aatsaat atorsinnaanngussavat. 
   Qanoq atuutilersissanerlugu uani atuaruk. Qanoq atuutilersissanerlugu uani atuaruk.

MitID chippi imatut atulersiguk

MitID chip atuaasartoq tigugukku atuutilerseqqaarlugu atorsinnaavat.

MitID chip’it periutsit marlunni aallartisarsinnaavat:

1. MitID app-imi passit/kinaassutsimut uppernarsaatit atorlugit.
2. Innuttaasunut sullissivimmut ornigullutit.

1) MitID appimi passit/kinaassutsimut uppernarsaatit atorlugit MitID chip atuaasartoq atuutilersiguk

1. Digitalinngortitsinermut Aqutsisoqarfimmiit MitID appi pigeriinngikkukku Apple App Store-Mitt imaluunniit Google Play-imiit aajuk.
2. MitID app ammaruk skærmimilu qullerpaami periarfissat toorlugu.
3. ‘Atuutilersiguk’ tooruk.
4. ‘MitID atuutilersiguk tooruk’ aallartillutillu.
5. Passi/kinaasstusimut uppernarsaat toqqaruk.
6. Piumasaqaatit naammasseqqusallu akuerikkit - Inuinnarnullu politikki piumaguit atuarlugu.
7. Passi/kinaassutsinnut uppernarsaat atorlugu kinaassutsit uppernarsaruk. Uku tulleriiaassavatit: 1)passip/kinaasstusimut uppernarsaatip kodea skannerlugu 2) passip/kinaasstusimut uppernarsaatip chippia atuartillugu aamma 3) Kiinnanut ilisarinnittartumut takutillugu. Passip/kinaassutsinnut uppernarsaatip aamma kiinnanut ilisarinnittartoq qanoq atornissaat uani atuaruk.
8. Suna atuutilersinniarnerlugu/inniminnerniarnerlugu toqqaasussanngoruit MitID chip atuaasartoq toqqaruk. 
9. Allagaq ima allaqqasoq nuissaaq 'kodenik atuaasartoqarpit?' Aap tooruk, atuutilersiguk. MitID.dk-mi aallartisaaneq pisinnaavoq. Tassunga toqqaannartumik ingerlanneqarumaarputit.
10. Kodemik isissummik pilersitsigit, uteqqillugulu. Isernissamut kode isernerit tamaasa imal. MitID chip’ivit akuerinissaanut atussavat.
11. MitID chip’it atuutilernissaanut attaveqaasertariaqalerpat maanna. Attaveqaatit ledningeqanngitsoq (NFC) imal. Bluetooth aqqutigalugu attavilersinnaavat. Bluetooth aqqutigalugu attaviliissaguit, MitID chip mobiilinnut attaveqaaseqqaassavat alloriarfiup tullianut ingerlateqqitsinnak.
12. Una tooruk Næste MitID chip’illumobiilinnut attuumatillugu.
13. Taamatullu tulliattut atuutilernissamut naammassinninniarlutit MitID chip’ip toortagaa tooruk. Aallartisaaneq naammassivoq, ‘Atuutilersitsineq naammassivoq’-mik allaqqasoqalerpat.
    MitID kodeviseren er nu aktiveret og klar til brug.
14. MitID chip maanna atuutilerpoq atoriaannanngorlunilu. MitID chip’ip qanoq atornissaanut uani atuaagit.

2) MitID chip Sullissivimmi atuutilertiguk    

Assersuutigalugu passi/kinaanermut uppernarsaateqanngikkuit ikiorneqarnissalluunniit pisariaqartikkukku MitID chip atuaasartoq Innuttaasunut sullissivimmi atuutulersissinnaavat.

• Innuttaasunut sullissivimmut piffissamik inniminniinissat eqqaamajuk. Amerlanertigut tamanna pisariaqartarpoq.
• Innuttaasunut sullissivimmut ornigunnermi kinaassutsimik uppernarsaammik atuuttumik kinaanerit uppernarsarsinnaasussaavat, assersuutigalugu passi biilersinnaanermulluunniit uppernarsaat atorlugu.

Innuttaasunut sullissivimmi ikiorneqarnissaq pillugu atuarlutit paasisaqarnerugit.

Imatut MitID chip’it atorsinnaavat

MitID chippimut isissagaangavit taannaluunniit atorlugu akuersissagaangavit atuisutut-ID kodelu isissutit toortaqqaartassavatit. MitID chip kabeli atorlugu attavileruk toortagarlu toorlugu. MitID maanna akuerisimalerpat.

Ima iliussaatit - tulleriiaarlugit

1. Nittartakkamut appimulluunniit MitID atorlugu akuersigillutilluunniit iserlutilluunniit, isernissamullu tuugassaq toqqarlugu.
2. Atuisutut ID toortaruk Ingerlaqqigillu toorlugu. MitID-taaravit atuisutut ID-taarputit. MitID atorlugu iserniaraangavit akuersiniaraangavilluunniit atortagassatit.
3. Siullermeerlutit MitID chip atuaasartoq atornerani, siunissami akuersissutigisalernissaa toqqassallugu eqqumaffigiuk. Atuisutut ID allareerukku, ’MitID kinaassutsimut uppernarsaanermut atortoq allanngortiguk’ tuussavat, taavalu MitID chip atuaasartoq toqqarlugu.
4. Tulliullugu kode isissut allaguk. MitID chip atuaasartut atuutilersikkakku kode isissut sanavat.
5. MitID-mik suna akuerilernerlugu atuaruk. Oqaasertaa kissaatigisattut allaqqanngippat Unitsiguk toqqassavat.
6. Start toortagaq tooruk.
7. MitID chip’it qarasaasiannut, oqarasuaatinnut imal. tablet’innut attavileruk. MitID chip’it USB-kabeli, Bluetooth imal. attaveqaat ledningeqanngitsoq (NFC) atorlugu attavilersinnaavat.
8. Akuersereeruit igalaasaq allassimasulik ‘Brug din sikkerheds- nøgle med mitid.dk’ nammineerluni tammassaaq. Taamaammat ‘Annuller’ tuussanngilat.
9. Maanna MitID atorlugu iserputit.

Ilitsersuut isiginnaagassiaq: MitID chip imannak atussavat.