Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

MitID mobiilini/tabletini Androidiusuni atorsinnaajunnaangajalerpoq

Ullormit 12. augustimiit MitID appi mobiilini/tabletini pisoqaanerusuni Android 9-mik styresystemilinni atorsinnaajunnaassaaq. Androidimi pisarialimmik teknikkikkut nutarterinissap kingunerisaanik mobiilit/tabletit Android 9-llit isumannaallisaanikkut nutarterisinnaassanngillat, taamatuttaaq MitID appimi killiffimmik nutaanerpaamik nutarterisinnaassanngillat.

Tamanna ilinnut qanoq sunniuteqassava?

MitID-mik atuisut amerlanerpaartaat mobiilimi/tabletimi MitID-mik atuisooreerput, tassani styresytemi MitID appilu nutartersinnaavaat - taamaalillutillu isumannaallisaanerit, kukkunernut aaqqiissutit atorsinnaassutsillu kingullerpaat pissarsiarissavaat. Atuisut taakku atorunnaarsitsinermit sunnerneqarnavianngillat.

Taamaattorli ullumikkut mobiilimi/tabletimi pisoqaanerusumi MitID-mik atuisut ikittut MIT-mik atuipput, taakkulu Androidimut softwaremik nutaanerpaamik nutarterisinnaajunnaassapput. Tassa imaappoq MitID appi nutaanerusoq nutartersinnaassanngilaat. Mobiilimi/tabletimi MitID appimilu nutarterinnginnerup kingunerisaanik hackertimit pinerluttunillu saassunneqarnissamut aarlerinaateqarneruvoq.

Taamaammat 12. augustip kingorna MitID appimik atuiinnarnissat kissaatigigukku MitID.dk-mi MitID kodenik nuisitsivimmik nuisitsivimmik kodenilluunniit atuaasartumik akeqanngitsumik atuisut inniminniissapput imaluunniit mobiilimi/tabletimi nutaanerusumi MitID appimik ikkussissallutik.

Toqqaannartumik nalunaarutisigit

Sapaatit akunnerini tulliuttuni atuisut pineqartut taakku tamarmik Digital Post/allakkat aqqutigalugit toqqaannartumik ilisimatinneqarumaarput, taamaalillutik akeqanngitsumik kodenik nuisitsivimmik kodenilluunniit atuaasartumik inniminniinissamut tigusaqarnissamullu piffissaqarluassapput.

Isumannaallisaaneq annertusarniarlugu mobiilinut/tabletinut nutarterinerit pingaaruteqarput

Mobiilit tabletilluunniit pisoqaligaangata atortussiortut atortorissaarutini pisoqaanerusuni styresystemimik nutarterissaartarput. Mobiili/tableti nutarterisinnaajunnaarsimappat kukkunerit aaqqinneqarnerat, isumannaalisaanikkut atorsinnaassutsinillu nutarterinerit pisinnaassanngillat.

Mobiilit/tabletit nutartersinnaanngippat mobiilinni/tabletinni appit tamarmik sunnerneqarsinnaapput. Tamanna aamma MitID appimut atuuppoq. Atoruminarsaanissaq isumannaallisaanerlu siunertaralugit MitID appi ingerlaavartumik nutarterneqartarpoq. MitID appimi pingaarutilinnik ukuninnga nutarterinissaq pineqarpoq, mobiilillu pisoqaanerusut taakkuninnga nutarterisinnaanngillat. Taamaammat 12. augustimiit mobiilini/tabletini pisoqaanerusuni Android 9-linni MitID appimik atuisoqarsinnaajunnaassaaq.

  • Softwaremi killiffik mobiilinni/tabletinni ikkunneqarsimasoq nassaariniarlugu uungassaatit: Indstillinger > Om telefon > Android-version.
  • Mobiilinni/tabletinni Android 9 atorit paasinarsippat mobiilivit/tabletivit Android 10-mut nutaanerusumulluunniit nutartersinnaanerlugu misissorsinnaavat.

Maannakkut mobiilit/tabletit pigiinnarusukkukku MitID-mik atuiniartillutit appimut taarsiullugu atorsinnaasannik akeqanngitsumik MitID kodenik nuisitsivimmik imaluunniit kodenik atuiaasartumik pissarsinissat toqqarsinnaavat.

Kodenik nuisitsivik uani akeqanngitsumik inniminnersinnaavat: www.mitid.dk/kl-gl/tigussaasumik-kinaassutsimut-uppernarsaammik-inniminniigit. Ilinnut apuunnissaa Innuttaasunilluunniit sullissivimmut aanissaa uani toqqarsinnaavat.

Aamma Innuttaasunik sullissivimmi MitID kodenik nuisitsivimmik/kodenik atuaasartumik inniminniisinnaavutit.

  • Aamma mobiilimik/tabletimik nutaajunerusumik peqaruit MitID appi aasinnaavat.
  • Mobiili/tablet nutaajunersoq imaattuussaaq:
    • Mobiili/tablet androidiusoq Android 10-mik nutaanermilluunniit styresystemilik .
    • iPhone/iPad iOS 16-imik nutaajunerusumilluunniit styresystemilik – soorlu iPhone SE (2. generation) nutaajunerusullu aamma iPad Air 2 aamma iPad Mini (4. generation) nutaajunerusullu. Mobiilinni/tabletimi styresystem sorliunersoq nalornissutigigukku mobiilip/tabletip indstillingianut iserluni takuneqarsinnaavoq.
  • Mobiilimi/tabletimi nutaami MitID appitaarusukkuit siullermik Apple Storemit imaluunniit Google Play MitID appi aaqqaassavat.
  • MitID appi aareerukku taanna atorsinnaalerumallugu atuutilerseqqaassavat.
  • Mobiilimi/tabletimi nutaami, qanoq MitID-taarsinnaanerlutit uani paasisaqarnerugit.: www.mitid.dk/kl-gl/ikiortigit/hjaelpeuniversimi/mitid-app-ikiortigit/oqarasuaammitabletimi-nutaami-mitid-appeqalerit