MitID kinaassutsimut uppernarsaanermut atortoq matoqqavoq

MitID app

Assersuutigalugu PIN-kodet amerlasooriaq kukkullugu toortarukku MitID appit piffissami sivikittumi matugallarneqassaaq. MitID app’imi PIN-kode arlaleriarlutit kukkullugu toortarsimagukku MitID app utaqqiisaasumik matuneqassaaq, taamaasillutit PIN-kode nutaaq ammaqqinniarlugu sanasariaqassaatit.

Qanorisillutit nutaamik PIN-kodeliorsinnaaneq pillugu atuaruk, app’illu ammaqqillugu.

If your MitID app is permanently blocked, for example because you have suspected misuse, you must add a new MitID app.

Imatut ingerlariaqqissaatit.

MitID-mi kodinut takutitsissutit immaqaluunniit atuffassissut

Kode ataasiartagaq amerlasooriaq kukkullugu toortarukku MitID kodenik nuisitsivik imaluunniit kodemik atuaasartoq piffissami sivikittumi matugallarneqassaaq.

Kinaassutsimik uppernarsaanermut atortut matugallarneqarnikut ammarteqqinnissaat pillugit uani paasisaqarnerusinnaavutit

Kodenik nuisitsiviit imaluunniit kodemik atuaasartut ataavartumik matuneqarsimappat atoqqissinnaanngilatit. Kodenik nuisitsiviit kodemillu atuaasartut tamarmik immikkut assigineqanngitumik serienormoqarnerat peqqutaavoq, Mit ID-milu iluarsiissummi aamma nassaarineqarsinnaallutik, isumannaallisaanerillu peqqutaallutik atoqqinneqarsinnaanatik. Nutaamik inniminniisariaqarputit.

MitID kodenik nuisitsivik imaluunniit MitID kodenik atuaasartumik imatut inniminneeqqissinnaavutit
MitID kodenik nuisitsivimmik imatut atuutulersitisinnaavutit
MitID kodenik atuaasartumik imatut atuutulersitisinnaavutit

MitID chippi

MitID chippit ataavartumik matuneqarsimappat chippi atoqqiinnarsinnaavat MitID-mullu kinaassutsimut uppernarsaanermut atortutut ilanngutiinnarlugu.

Tassa imaappoq MitID chippimik nutaamik pilersitsiguit MitID chippinni isumannaallisaammik pilersitsisoqassaaq MitID-milu assingusumik iluarsiissuteqartoqassalluni. MitID chippit ataavartumik matuneqarpat MitID-mi iluarsiissummi isumannaallisaaneq peerneqassaaq. MitID chip assinga pilersinneqaqqikkuni isumannaallisaanermik nutaamik pilersitsisoqassaaq, taamaammallu MitID chippi atoqqinneqarsinnaalluni.

MitID chippi imatut atulersiguk.

MitID kode isissut allanngortiguk

MitID kodenik nuisitsiviit, kodemik atuaasartut imal. chip isertaatit maliinnartumik arlaleriarlutit kukkusumik toortarsimagukku, isertaatsit utaqqiisaasumik piffissami sivikitsumi matuneqarallassaaq nammineerlunilu ammaqqikkumaarluni. Piffissarititaasoq sivitsoriartorneqassaaq isertaatsit kukkusumik toortarsimaneratigut. Kissaatigigukku isertaatsit piffissarititaasoq qaangiuppat, taava nutaamik isertaatiliussaatit.

Sukumiinerusumik qanorisillutit isertaammik nutaamik sanassanerlutit uani atuaruk.

Atornerluisoqarnera pillugu pasitsaassivit?

Atornerluisoqarneranik pasitsaassiguit MitID-t tamaat utaqqiisaasumik matussavat. MitID kinaassutsimut uppernarsaanermut atortut annaasimagukku (oqarasuaatinni MitID appi, kodenik nuisitsivik, kodenik atuaasartoq chippiluunniit) atornerlunneqarneranullu ersiuteqarani MitID matuunnarsinnaavat?

Atornerluisoqarnera pillugu pasitsaassineq iserfigiuk