Illit pas/ID-kort atorlugu MitID-taaqqigit

Danmarkip avataani najugaqaruit MitID-llu annaasimagukku pissarsiareqqissinnaavat - pas/internationale ID-kort oqarasuaallu pas/ID-kortimik scannerisinnaasoq atorlugit.

MitID app kodenilluunniit nuisitsivik annaasimagukku matunissaat eqqaamassavat. MitID appip nutaap atuutilersinnissaa sioqqullugu taamaaliussaatit imaluunniit kodenik nuisitsivimmik/kodenik atuaasartumik nutaamik inniminniinissat atuutilersitsinissallu sioqqullugu taamaaliussaatit. 

MitID matujuk

Pas-sit oqarasuaatillu atorlugit MitID-taarit

Plus tooriarlugu pas-sivit oqarasuaativillu atornerisigut qanoq ilillutit MitiD-taaqqissinnaanerlutit ilitsersuut malissavat.

Atussavatit:

MitID-mut atuisutut-ID
Pas/internationalt ID-korti chippitalik. Allattorsimaffimmi tassani pas/ID-kortivit piumasaqaatit eqqortinnerai misissoruk
Oqarasuaat pas/ID-kortimik scannerisinnaasoq. Oqarasuaativit teknikkikkut piumasaqaatit eqqortinneraat misissoruk.

Nammineq oqaraasuaatit pas-imik scannerisinnaanngippat imaassinnaavoq taamaaliorsinnaasumik oqarasuaatilimmik qanigisaqartutit. Taamaaliornikkut atuisunngorsinnaavutit - kingornalu assersuutigalugu nammineq oqarasuaatinni MitID appitaarsinnaavutit. Qanoq iliussanerlusi uani takusiuk
Qallunaatut inuup normoqanngikkuit P-kodeqassaatit. Qanoq P-kodemik pissarsissanerlutit uani takuuk. Pingasut angullugit P-kode atorsinnaavat - tassa siornatigut ataasiarlutit atoreersimagukku imaassinnaavoq atoqqissinnaagit.

Pas/ID-kortit kiinallu appimi scannikkit

MitID appi aassavat ammarlugulu.
Skærmimi qullermiittumi menu tuussavat - 'Aktivér tooriarlugu Aktivér dit MitID tuussavat.
Skærmimi ‘Aktivér dit MitID’-mi Næste tuussavat.
Skærmimi Pas/ID-kort-imi ‘Vælg, hvordan du vil fortsætte’ tuussavat.
Matuma kingorna kinaassutsit uppernarsarniarlugu ilitsersuutit malissavatit.
- Qallunaatut inuup normoqanngikkuit P-kode toortassavat.
- Marlutsigut pas/ID-kort scanneruk aamma pas/ID-kortimi assimut sanilliullugu kiinnat scanneruk

MitID atorlugu qanoq akuersisassanerlutit toqqaassaatit

MitID appimi atulersitsiniarlutit toqqagassamut piguit toqqassavat:

På denne telefon, MitID app ammatitat atulersinniarukku. Matuma kingorna appimik atulersitsiniarlutit tulleriiaagassat malikkit.
Oqarasuaammi/tabletimi allami appi, pas-imik scanneralutit atorsimasannit oqarasuaammi/tabletimi allami MitID appi atuutilersinniarukku. Assersuutigalugu MitID appi sillimmatiginiaraanni
Kodenik nuisitsivik, kodenik atuaasartoq chippiluunniit, MitID kodenik nuisitsivik, MitID kodenik atuaasartoq imaluunniit MitID chip inniminnerusukkukku/atuutilersikkusukkukku.

Matuma kingorna MitID appimik atuutilersitsineq naammassiniarlugu imaluunniit MitID kodenik nuisitsivik/ kodenik atuaasartoq inniminnerniarlugu/atuutilersinniarlugu malitassat tulleriiaakkit.

Innuttaasunut Sullissivimmit ikiorneqarit

MitID appip pas-sit/ID-kortit scannersinnaanngippagu MitID-taaqqikkumallutit Danmarkimi Innuttaasunik Sullissivimmi ikiorneqartariaqarputit. Eqqaamallugu Innuttaasunik Sullissivimmukannginninni piffissamik inniminneeqqaassagavit. borger.dk.mi najukkami Innuttaasunik Sullissivik nassaarisinnaavat piffissamillu inniminniisinnaallutit. Atuuttumik kinaassutsimik uppernarsaammik nassarnissat, assersuutigalugu pas-imik biilernermulluunniit allagartaqarnissat pingaaruteqarpoq, taamaalillutit kinaassutsit Innuttaasunik Sullissivimmit uppernarsarneqarsinnaaniassammat.

Sillimmataasumik MitID-qalerit

Saniatigut MitID-qarnissaq tamatigut pitsaassaaq. Taamaalillutit MitID atorlugu suli akuersisinnaassaatit ass. oqarasuaatit katassagaluarukku.

Arlalinni MitID-qarit