MitID kodenik nuisitsivik

Imannak MitID iserasuaammik takutitsisartumik inniminniisinnaavutit

Perarfissat marluupput inniminniinissamut:

1. På MitID.dk aqqutigalugu
2. Inunnut sullissivimmut ornigulluni

Malugiuk MitID iserasuaammit nuisitsisartut pingasut siulliit akeqarnavianngimmata. Sisamassaaniit 41,71 kruuneqalerumaarput. Taamaallaat ataasiakkaarlugit pigisinnaavatit.

1) Ima MitID.dk aqqutigalugu iserasuaammik inniminniissaatit

1. Una tooruk MitID.dk atorlugu iserasuaammik nuisitsisartumik inniminniiniaruit.
2. Aallaqqaammut imminut ilisaritigit- MitID iserfigalugu imaluunniit inuup normut toortaruk, imaluunniit Danskisut kalaallisulluunniit passit allaguk. MitID iserasuaammik atuffassisoq kinaassutsinniik uppernarsaanak inniminnersinnaavat kisianni taava akiliissaatit.
3. Toqqaruk qanoq iserasuaammik nuisitsisartoq ilinnut apuutsikkusunnerlugu.
   • Angerlarsimaffinnut nassiutsillugu. Ullut suliffiusut pingasuniit arfineq marluk ilanngullugit utaqqisinnaavutit, malugiuk Danmark avataaniikkuit sivisunerusumik utaqqisinnaagavit.
   • Inunnut sullissivimmut aasinnaavat. Eqqaamallugu kinaassutsimik uppernarsaammik nassassagavit soorlu Pas-si biilernermulluunniit allagartaq. Uani atuaruk uppernarsaat sorleq nassassanerlugu. Malugiuk amma MitID sierasuaammut atuffassissut Inunnut sullissivimmi ammartissinnaagakku atulerlugulu.
4. Eqqaamallugu MitID iserasuaammik nuisitsisartoq tigugukku aallartissagakku. Taamaalioruit aatsaat atorsinnaanngussagakku. Uani atuaruk qanoq aallartissanerlugu.

2) Inunnik sullissivikkut MitID Iserasuaammik nuisitsisartoq inniminneruk

Inunnik sullissivimmi MitID iserasuaammik nuisitsisartoq aallugulu ikitsissinnaavat.

• Eqqaamallugu inunnik sullissivimmut piffissamik inniminniissagavit.
• Inunnut Sullissivimmi sullinneqarnissannut uppernarsaammik nassarnissat eqqaamassavat soorlu: Pas imaluunniit biilersinnaanermut allagartaq.

Qanoq ikiorneqarsinnaanerlutit inunnut sullissivimmi atuarsinnaavat.

Imannak MitID iserasuaammik nuisitsisartoq ikissavat

MitID iserasuaammik nuisitsisartoq tigugukku ikissavat, taamalugit aatsaat atorsinnaanngussaaq.

Periarfissat marluupput:

1. Pas imaluunniit kinaassutsimik uppernarsaat MitID app atorlugu.
2. Inunnut sullissivimmut iserluni.

1) MitID iserasuaammik nuisistsisoq MitID app aqqutigalugu Pas kinaassutsimik uppernarsaammilluunniit allamik atorlutit ikiguk atorsinnaanngorlugu

1. MitID app aajuk uku aqqutigalugit: Apple App Store imaluunniit Google Play, pigereersimanngikkukku.
2. MitID app ammaruk qulaanilu menu toorlugu.
3. Ikiguk toorukryk.
4. MitID ikiguk tooruk aallartillullu.
5. Pas- kinaassutsimut uppernarsaat tooruk.
6. Piumasaqaatit kinaassutsimullu isertuussisuussaatitaaneq pillugu malittarisassat atuakkit akueralugillu.
7. 7.Maanna kinaassutsit uppernarsassavat. Imaaliussaatit: suliassatit pingasuupput. 1) Pas-sip kinaassutsippit ilinarnaataa assiliuk, 2) Pas-sip kinaassutsip chippitaa assiliuk, 3) kiinnat assiliuk. Pas-sinniittumut sanilliutsinniarlugu.
8. Uunga killikkuit suna toqqassanerlugu, inniminniiniarnerlutit imaluunniit ikitsiniarnerlutit tuussavat MitID iserasuaammik nuisitsisartoq.
9. Maanna allaqqassooq: iserasuaamik atuffassisinnaasuuteqarpit, tooruk “Aap,Ikiguk”.
10. Iserasuaammik pilersitsigit allaqqillugulu.
11. MitID Iserasuaammut nuisitsissutip tunuaniittut kisitsisit allakkit.
12. Manna kisitsisit arfinilliusut nassiussarsiatit ilaassavatit MitID iserasuaammut nuisitsissummiittoq.
13. Maanna MitID iserasuaammik nuisitsisartoq atorsinnaanngorpat. Uani atuaruk qanoq Iserasuaammik nuisitsisartoq qanoq atussanerlugu.

2) Inunnut sullissinermi MitID iserasuaammik nuisitsisartoqikitsiguk

Passeqanngikkuit kinaassutsimilluunniit uppernarsaateqanngikkuit MitID iserasuaammik autffassisua inunnik sullissivimmi ikitsissinnaavat atorsinnaanngortillugu.

• Eqqaamallugu inuunnut sullissivimmut ornigutsinnak piffissamik inniminniisimassagavit.
• Inunnut Sullissivimmi sullinneqarnissannut uppernarsaammik nassarnissat eqqaamassavat soorlu: Pas imaluunniit biilersinnaanermut allagartaq.

Uani atuaruk qanoq Inunnut sullissivimmi ikiorneqarsinnaanerlutit.

Imannak MitID iserasuaammik nuisitsissut atussavat

Iserasuaat nuisitsisoq atorlugu akuersiniaruit siullermeerlutit ilisarnaatit tuussavat MitID iserasuaammik nuisitsisup kisitsisit arfinillit takutiai toortarlugit. Taamaaliorieeruit iserasuaatit toortassavat maannalu MitID akuerivat.

1. Quppersagaq imaluunniit app iserfiginiakkat iserfigiuk MitID atorlugu akuersiffissat toortagarlu toorlugu.
2. Illit ilisarnaatit allaguk “tullia” lu toorlugu. MitID atuleqqaarakku ilisarnaatit pivat. Taanna MitiDmut tunngasunik atuileraangavit atortuaannassavat.
3. Malugiuk siullermeerlutit MitID iserasuaammik nuisitsissut atorukku siunissami akuersissutigisassagakku. Ilisarnaatit allareerukku tuussagat: “MitIDmut ilisarnaatiga allanngortiguk" toqqarlugulu Iserasuaammut nuisitsissut.
4. Atuaruk MitID atorlugu suna akuerilernerlugu. Atuakkat iliuuseriniakkallu assigiinngippata “Unitsiguk”.
5. MitID iserasuaammik nuisitsisoq tooruk. Iserasuaammik nuisitsisoq saamerlermiittoq tooruk. MitID iserasuaammik nuisitsisussaq ikissaaq kisitsisillu ataasiartariallit atorlugit iserasuaatissat nuissaaq.
6. Iserasuaat arfinillinik kisitsisitalik takusinnaasat allaguk, “tullia” lu toorlugu.
7. Iserasuaatit allaguk. Iserasuaat pilersitat MitID Iserasuaammik nuisitsisoq ikinniarlugu iserasuaatiliat.
8. MiTID-mut maanna isersimalerputit.

Aalasuliamik isiginnaarlutik ilitseruut: Ima MitID iserasuaammik nuisitsissut atussavat.