Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

MitID kodenik atuaasartoq

MItID kodenik atuaasartoq elektronikkimik atortorissaarutaavoq, MitID taarsiullugu appitut atorneqarsinnaasoq. Kodenik atuaasartoq lommeregneritut isikkoqarpoq inunnullu isigiarsuttunut tulluarsagaalluni. Kode ataasiaannaq atugassaq nuisillugulu nipituumik atuassavaa, taannalu MitID-mut isernissannut akuersinissannulluunniit atussavat

Uani quppernermi MitID kodenik atuaasartoq pillugu paasisaqarnerusinnaavutit. Uani quppernermi ilitsersuunneqassaatit:

MitID kodenik atuaasartoq ima inniminnissavat

MitID kodenik atuaasartoq inniminnernissaanut periarfissat marluupput:

  1. MitID.dk-kkut.
  2. Innuttaasunut sullissivimmut ornigullutit.

MitID kodenik atuaasartut siulliit pingasut akeqannginnerat maluginiaruk. Kodenik atuaasartut akeqanngitsut atoreersimatillugit ataaseq 41,7 koruuneqarpoq. Ataasiakkaarlugit taamaallaat atugaqarsinnaavutit.

1) MitID kodenik atuaasartoq MitID.dk-kkut inniminneruk

  1. MitID kodenik atuaasartumik inniminniinerit una toorlugu aallartiguk.
  2. Kinaassutsivit uppernarsarnera aallarniutigiuk - MitID-t atorneratigut iserlutit, imaluunniit Inuup normut aamma kalaallisut qallunaatulluunniit passivit normua allanneratigut. Kinaassutsit uppernarsaqqaarnagu MitID kodenik atuaasartoq inniminnersinnaavat, akiliisariaqassaatilli. 
  3. MitID kodenik atuaasartoq qanoq tigorusunnerlugu toqqaruk: 
    • Allakkatigut najukkannut. Ullut suliffiit pingasut arfineq-marlulluunniit ingerlaneranni allakkatigut tigussavat. Danmarkip avataani najugalinnut tikinniarnera sivisunerusinnaanera maluginiaruk.
    • Innuttaasunut sullissivimmut aallerneq. Eqqaamallugu kinaassutsimik uppernarsaammik atuuttumik nassarnissat, assersuutigalugu passi biilersinnaanermulluunniit uppernarsaat. Kinaassutsimut uppernarsaat suna nassassanerlugu uani atuaruk. MitID kodenik atuaasartoq Innuttaasunut sullissivimmi aamma atuutilersissinnaanera eqqumaffigiuk.
  4. MitID kodenik atuaasartoq tigugukku atuutilersinnissaa eqqaamajuk. Atuutilersereerukku aatsaat atorsinnaanngussavat.  Qanoq atuutilersissanerlugu uani atuaruk.

2) Innuttaasunut sullissivikkut MitID kodenik atuaasartoq inniminneruk.

Innuttaasunut sullissivimmi MitID kodenik atuaasartoq pisinnaallugulu atuutilersissinnaavat.

  • Innuttaasunut sullissivimmut piffissamik inniminniinissat eqqaamajuk. Amerlanertigut tamanna pisariaqartarpoq.
  • Innuttaasunut sullissivimmut ornigunnermi kinaassutsimik uppernarsaammik atuuttumik kinaanerit uppernarsarsinnaasussaavat, assersuutigalugu passi biilersinnaanermulluunniit uppernarsaat atorlugu.

Innuttaasunut sullissivimmi ikiorneqarnissaq pillugu atuarlutit paasisaqarnerugit.

MitID kodenik atuaasartoq ima atuutulersissavat

MitID kodenik atuaasartoq tigugukku atuutilerseqqaarlugu atorsinnaavat.

MitID kodenik atuaasartoq atuutilersinnissaanut periarfissat marluupput:

  1. MitID app-imi passit/kinaassutsimut uppernarsaatit atorlugit.
  2. Innuttaasunut sullissivimmut ornigullutit.

1) MitID appimi passit/kinaassutsimut uppernarsaatit atorlugit MitID kodenik atuaasartoq atuutilersiguk

  1. Digitalinngortitsinermut Aqutsisoqarfimmiit MitID appi pigeriinngikkukku App Store-miit imaluunniit Google Play-imiit aajuk.
  2. MitID app ammaruk skærmimilu qullerpaami periarfissat toorlugu.
  3. ‘Atuutilersiguk’ tooruk.
  4. ‘MitID atuutilersiguk tooruk’ aallartillutillu.
  5. Passi/kinaasstusimut uppernarsaat toqqaruk.
  6. Piumasaqaatit naammasseqqusallu akuerikkit - Inuinnarnullu politikki piumaguit atuarlugu.
  7. Passi/kinaassutsinnut uppernarsaat atorlugu kinaassutsit uppernarsaruk. Uku tulleriiaassavatit: 1) passip/kinaasstusimut uppernarsaatip kodea skannerlugu 2) passip/kinaasstusimut uppernarsaatip chippia atuartillugu aamma 3) Kiinnanut ilisarinnittartumut takutillugu. Passip/kinaassutsinnut uppernarsaatip aamma kiinnanut ilisarinnittartoq qanoq atornissaat uani atuaruk.
  8. Suna atuutilersinniarnerlugu/inniminnerniarnerlugu toqqaasussanngoruit MitID kodenik atuaasartoq toqqaruk.
  9. Allagaq ima allaqqasoq nuissaaq 'kodenik atuaasartoqarpit?' Aap tooruk, atuutilersiguk.
  10. Kodemik isissummik pilersitsigit, uteqqillugulu.
  11. Serienormu MitID kodenik atuaasartup tunuani allaqqasoq toortaruk.
  12. Tullinnguullugu kode ataasiartagaq arfinilinnik kisitsisitalik toortaruk, MitID kodenik atuaasartunni tuugassaq ataani talerpianiittoq toorneratigut nuissaaq/atuarneqassaaq. Ataatsimik toorneqartoq malugisinnaavat.
  13. MitID kodenik atuaasartoq maanna atuutilerpoq atoriaannanngorlunilu. MitID kodenik atuaasartoq qanoq atussanerlugu paasisaqarnerugit.

2) Innuttaasunut sullissivikkut MitID kodenik atuaasartoq inniminneruk.

Assersuutigalugu passi/kinaanermut uppernarsaateqanngikkuit ikiorneqarnissalluunniit pisariaqartikkukku MitID kodenik atuaasartoq Innuttaasunut sullissivimmi atuutulersissinnaavat.

  • Innuttaasunut sullissivimmut piffissamik inniminniinissat eqqaamajuk. Amerlanertigut tamanna pisariaqartarpoq.
  • Innuttaasunut sullissivimmut ornigunnermi kinaassutsimik uppernarsaammik atuuttumik kinaanerit uppernarsarsinnaasussaavat, assersuutigalugu passi biilersinnaanermulluunniit uppernarsaat atorlugu.

Innuttaasunut sullissivimmi ikiorneqarnissaq pillugu atuarlutit paasisaqarnerugit.

MitID kodenik atuaasartoq imannak atussavat

MitID kodenik atuaasartumut isissagaangavit taannaluunniit atorlugu akuersissagaangavit atuisutut-ID aamma kode ataasiartagaq arfinilinnik kisitsisitalik kodenik nuisitsivimmeersoq toortaqqaartassavat. Matuma kingorna kodet isissutit toortassavat - MitID atorlugu akuersivutit.

Ima iliussaatit - tulleriiaarlugit

  1. Nittartakkamut appimulluunniit MitID atorlugu akuersigillutilluunniit iserlutilluunniit, isernissamullu tuugassaq toqqarlugu.
  2. Atuisutut ID toortaruk Ingerlaqqigillu toorlugu. MitID-taaravit atuisutut ID-taarputit. MitID atorlugu iserniaraangavit akuersiniaraangavilluunniit atortagassatit.
  3. Siullermeerlutit MitID kodenik atuaasartoq atornerani, siunissami akuersissutigisalernissaa toqqassallugu eqqumaffigiuk.  Atuisutut ID allareerukku, ’MitID kinaassutsimut uppernarsaanermut atortoq allanngortiguk’ tuussavat, taavalu MitID kodenik atuaasartoq toqqarlugu.
  4. MitID-mik suna akuerilernerlugu atuaruk. Oqaasertaa kissaatigisattut allaqqanngippat Unitsiguk toqqassavat.
  5. MitID kodenik atuaasartup ataani talerpiatungaaniittoq tuugassaq aappaluttoq tooruk. Ataatsimik toorneqartoq malugisinnaavat. MitID kodenik atuaasartup kode ataasiartagaq arfinilinnik kisitsisitalik ikissavaa, nuisillugulu/nipituumik atuassavaa.
  6. MitID-mit kodenik atuaasartumiit isissutissaq ataasiartagaq arfinilinnik kisitsisitalik skærmimi allaguk Ingerlaqqigillu toqqarlugu.
  7. Tulliullugu kode isissut allaguk. MitID kodenik atuaasartut atuutilersikkakku kode isissut sanavat.
  8. Maanna MitID atorlugu iserputit.

MitID kodenik atuaasartup assigiinngitsutigut aaqqinneqarsinnaanera maluginiaruk. Assersuutigalugu MitID kodenik atuaasartup nipitussusaa oqaaserlu suna atorneqassanersoq aalajangersinnaavat. MitID kodenik atuaasartoq qanoq atussanerlugu atuarlutit paasisaqarnerugit.

Ilitsersuut isiginnaagassiaq: MitID kodenik atuaasartoq imannak atussavat.

MitID kodenik atuaasartumi kode ataasiartagaq atuarnerani nipaa sukkassusaalu qanoq inississanerlugit uani takusinnaavat.

‘Toortagaq aappaluttoq’ kodelu isissutissaq ataasiartagaq

Ataatungaani talerpiata tungaani teqeqqumiittoq toortagaq aappaluttoq toorukku MitID atorlugu akuersiginermi kode ataasiartagaq atuassavaa? Toortagaq aappaluttoq ataatsimik toorneqartoq aamma malugisinnaassavat.

‘Toortagaq aappaluttoq’ atortullu allat

Tuugassat allat saniatigut toortagaq aappaluttoq atuutit assigiinngitsut ass. kode ataasiartakkamik uteqqiineq, sukkassuseq, nipaata nipitussusaa oqaastillu atorneqartut aqussinnaavai. Toortagaq aappaa tooqqaatigalugu toortagaq aappaluttoq tooqqajuk. Toortagaq talerpiatungaaniittoq nippattaataavoq toortagarlu saamiatungaaniittoq nipikillisaataalluni. Artortut assigiinngitsut qulingiluaapput:

  1. Kode ataasiartagaq nuisiguk atuarlugulu (‘toortagaq aappaluttoq’ taamaallaat)
    ‘Toortagaq aappaluttoq’ ataani talerpiata tungaaniittoq tooruk. Ataatsimik toorneqartoq malugisinnaavat. Kode ataasiartagaq MitID atorlugu iserniaraangavit akuersiniaraangavilluunniit atortassavat.
  2. Kode ataasiartagaq atuaqqiguk (‘toortagaq aappaluttoq’ + ‘0’)
    Kode ataasiartagaq amerlsooriarlutit utersinnaavat. kode ataasiartagaq sekundit 20-t qaangiutinnginneranni uterneqarsinnaavoq. ‘Toortagaq appaluttoq’ allermi talerpiata tungaaniittoq ‘0’-ilu toortakkap aappaluttup saamiata tungaaniittoq ataatsikkut tuukkit.
  3. Nipittoruk (toortagaq aappaluttoq’ + ‘9’)
    ‘Toortagaq appaluttoq’ allermi talerpiata tungaaniittoq ‘9’-ilu toortakkap aappaluttup qulinnguaniittoq ataatsikkut tuukkit.
  4. Nipikilliuk (toortagaq aappaluttoq’ + ‘7’)
    ‘Toortagaq appaluttoq’ allermi talerpiata tungaaniittoq ‘7’-ilu qulaanit tulleriit pingajuanni siullersaasoq ataatsikkut tuukkit.
  5. Atuaanera arriillisiguk (‘toortagaq aappaluttoq’ + ‘4’)
    ‘Toortagaq appaluttoq’ allermi talerpiata tungaaniittoq ‘4’-lu qulaanit tulleriit aappaanni siullersaasoq ataatsikkut tuukkit.
  6. Atuaanera sukkallisiguk (‘toortagaq aappaluttoq’ + ‘6’)
    ‘Toortagaq appaluttoq’ allermi talerpiata tungaaniittoq ‘6’-ilu qulaanit tulleriit aappaanni kingullersaasoq ataatsikkut tuukkit.
  7. Oqaatsit nikisikkit - qallunaatut tuluttullu toqqarsinnaavatit (‘toortagaq aappaluttoq’ + ‘1’)
    ‘Toortagaq appaluttoq’ allermi talerpiata tungaaniittoq ‘1’-ilu qulaanit tulleriinni siullersaasoq ataatsikkut tuukkit.
  8. Kodenik atuaasartoq qamiguk (‘toortagaq aappaluttoq’ taamaallaat)
    Kodenik atuaasartoq 20 sekundtit atorneqanngereeraangami nammineerluni qamittarpoq, nammineerlutilli qamissinnaavat. ‘Toortagaq aappaluttoq’ ataani talerpiata tungaaniittoq tooruk.
  9. Serienormua atuartiguk (‘toortagaq aappaluttoq’ +m ‘5’)
    ‘Toortagaq appaluttoq’ allermi talerpiata tungaaniittoq ‘5’-ilu qulaanit tulleriit aappaanni qiterlermiittoq ataatsikkut tuukkit. ‘5’ marlunnik toorneqartoq malugisinnaavat.

    Kodenik atuaasartoq aallartinniarlugu serienormua atussavat.

Kodenik atuaasartoq ima isikkoqarpoq

  • Kodenik atuaasartoq ima isikkoqarpoq
    Kodenik atuaasartoq kisitsissuteeqqatut angisuutut isikkoqarpoq, qulaani kisitsisilik, quleriiaat sisamat kisitsisitallik.
    Qulaaniit saamimmit kisitsit tassaavoq 1, 2 aamma 3.
    Aappaaniit saamimmit kisitsit tassaavoq 4, 5 aamma 6.
    Pingajuat saamimmit tassaavoq 7, 8 aamma 9.
    Quleriiaani allerpaami saammiani qorsummik toortagaqarpoq, qeqqani 0, talerpianilu tuugassaq aappaluttoq toorniaralik.

Kode ataasiartagaq

  • MitID atorlugu akuersinermi kode ataasiartagaq atussavat.
    Sekundit 20-t qaangiuppata skærmi nammineerluni qamissaaq, kodelu ataasiartagaq tammarluni.
    Kode ataasiartagaq arlaleriarluni atuarneqarsinnaavoq.
    Atuaanermi qallunaatut tuluttulluunniit toqqaruk.

Tusarnaarutit

  • Kode ataasiartakkap atuarneqarnera illit kisimiillutit tusaaniassagakku tusarnaarutit atikkit.

Batterii

  • Batterii ukiuni qulini atasinnaasoq atorneqarpoq.

Uuttornera oqimaassusaalu.

  • Kodenik atuaasartoq 13 centimiiterinik takissuseqarpoq, 7,5 centimeterinik silissuseqarpoq, innangatillugulu 2 centimiiterit missaani takissuseqarluni.
    130 grammimik oqimaassuseqarpoq.
    Skærmia 0,8 centimeterimik takissuseqarpoq, kisitsisillu skærmimi atorneqartut 0,6 centimeterinik takissuseqarlutik.

MitID kodenik atuaasartumut tunngatillugu ikiortigit

Apeqqutitit akissutissarsinngitsoorpigit?

MitID kodenik atuaasartoq pillugu ikiorneqarnissat pisariaqartikkukku Supportimut allallutilluunniit sianersinnaavutit.

MitID-mik tapersersuinermut sianersinnaavutit allallutillu